નવી દિલ્હી: ભારતીય ક્રિકેટ કંટ્રોલ બોર્ડ (BCCI) એ IPL ની 19મી સિઝનનું સત્તાવાર શેડ્યૂલ જાહેર કરી દીધું છે. ટૂર્નામેન્ટ 28 માર્ચથી RCB અને SRH વચ્ચેની ધમાકેદાર મેચ સાથે શરૂ થશે.
ગત સિઝન (IPL 2025) માં RCB એ પંજાબ કિંગ્સને હરાવીને ટાઇટલ જીત્યા બાદ, હવે 2008 થી રમી રહેલી ટીમોમાં માત્ર દિલ્હી કેપિટલ્સ (DC) અને પંજાબ કિંગ્સ (PBKS) જ એવી બે ટીમો બચી છે, જે હજુ પણ પોતાની પ્રથમ IPL ટ્રોફીની શોધમાં છે. DC 2020 માં ફાઇનલમાં પહોંચી હતી, પરંતુ મુંબઈ ઈન્ડિયન્સ સામે હારનો સામનો કરવો પડ્યો હતો.
આ વર્ષે ઋષભ પંતની વિદાય બાદ ટીમ નવા કેપ્ટન અને નવા જોશ સાથે મેદાનમાં ઉતરશે. અહીં જુઓ દિલ્હી કેપિટલ્સનું સંપૂર્ણ શેડ્યૂલ અને નવી સ્ક્વોડ!
દિલ્હી કેપિટલ્સ (DC) IPL 2026 શેડ્યૂલ (પ્રથમ તબક્કો)
દિલ્હી કેપિટલ્સ પોતાના 2026 કેમ્પેઈનની શરૂઆત 1 એપ્રિલે લખનૌમાં લખનૌ સુપર જાયન્ટ્સ (LSG) સામેની અવે (Away) મેચથી કરશે. ટીમને પોતાની પહેલી હોમ મેચ 4 એપ્રિલે 5 વખતની ચેમ્પિયન મુંબઈ ઈન્ડિયન્સ સામે રમવા મળશે.
હાલ પૂરતું પ્રથમ 20 મેચોનું શેડ્યૂલ જાહેર થયું છે, જેમાં DC કુલ 4 મેચ રમશે:
| મેચ નં. | મુકાબલો (Teams) | તારીખ અને સમય (Date & Time) | મેદાન (Venue) |
| 5 | LSG vs DC | 1 એપ્રિલ 2026, સાંજે 7:30 વાગ્યે | લખનૌ (અવે) |
| 8 | DC vs MI | 4 એપ્રિલ 2026, બપોરે 3:30 વાગ્યે | દિલ્હી (હોમ) |
| 14 | DC vs GT | 8 એપ્રિલ 2026, સાંજે 7:30 વાગ્યે | દિલ્હી (હોમ) |
| 18 | CSK vs DC | 11 એપ્રિલ 2026, સાંજે 7:30 વાગ્યે | ચેન્નઈ (અવે) |
DC ઓક્શન 2026 રિવ્યૂ: ઓકિબ નબી પર પૈસાનો વરસાદ!
પોતાની પહેલી ટ્રોફી જીતવાના લક્ષ્ય સાથે દિલ્હીએ હરાજીમાં શાનદાર કામગીરી કરી છે.
- નવો કેપ્ટન: ઋષભ પંતના LSG માં ગયા બાદ, T20 વર્લ્ડ કપ વિજેતા સ્ટાર ઓલરાઉન્ડર અક્ષર પટેલ ને દિલ્હીનો નવો કેપ્ટન બનાવવામાં આવ્યો છે.
- વિદેશી તાકાત: મિની-ઓક્શનમાં ટીમે T20 વર્લ્ડ કપમાં શાનદાર પ્રદર્શન કરનાર સાઉથ આફ્રિકાના બે દિગ્ગજો ડેવિડ મિલર (David Miller) અને લુંગી એનગીડી (Lungi Ngidi) ને ખરીદીને ટ્રીસ્ટન સ્ટબ્સ સાથે મજબૂત વિદેશી કોર તૈયાર કર્યો છે.
- નવા બેટ્સમેનો: ફાફ ડુ પ્લેસિસની નિવૃત્તિ બાદ, શ્રીલંકાના પથુમ નિસાન્કા અને ઈંગ્લેન્ડના બેન ડકેટે ટીમમાં એન્ટ્રી મારી છે. આ સાથે જ પૃથ્વી શૉની પણ વાપસી થઈ છે.
- સૌથી મોટી ખરીદી (બિગેસ્ટ સરપ્રાઈઝ): કાશ્મીરના ફાસ્ટ બોલર ઓકિબ નબી (Auqib Nabi) ને માત્ર 30 લાખની બેઝ પ્રાઈસ સામે દિલ્હીએ ₹8.4 કરોડની અધધ રકમ આપીને ખરીદ્યો છે!
- બહાર ગયેલા ખેલાડીઓ: ફાફ ડુ પ્લેસિસ, જેક ફ્રેઝર-મેકગર્ક, મોહિત શર્મા અને સેદીકુલ્લાહ અટલ ટીમમાંથી બહાર થયા છે. જ્યારે ડોનાવન ફરેરાને RR માં ટ્રેડ કરવામાં આવ્યો છે.
દિલ્હી કેપિટલ્સની સંપૂર્ણ સ્ક્વોડ (Full Squad for IPL 2026)
કેપ્ટન: અક્ષર પટેલ
સ્ટાર ખેલાડીઓ: કેએલ રાહુલ, કુલદીપ યાદવ, મિચેલ સ્ટાર્ક, ડેવિડ મિલર, ટ્રીસ્ટન સ્ટબ્સ.
સંપૂર્ણ લિસ્ટ: અક્ષર પટેલ, નીતિશ રાણા, અભિષેક પોરેલ, અજય મંડલ, આશુતોષ શર્મા, દુષ્મંથા ચમીરા, કરુણ નાયર, કેએલ રાહુલ, કુલદીપ યાદવ, માધવ તિવારી, મિચેલ સ્ટાર્ક, સમીર રિઝવી, ટી નટરાજન, ત્રિપુરાણા વિજય, ટ્રીસ્ટન સ્ટબ્સ, વિપ્રજ નિગમ, મુકેશ કુમાર, ડેવિડ મિલર, બેન ડકેટ, ઓકિબ નબી, પથુમ નિસાન્કા, લુંગી એનગીડી, સાહિલ પારેખ, પૃથ્વી શૉ, કાઈલ જેમિસન.
Urvil Ramoliya is a dedicated cricket enthusiast who closely tracks international and domestic cricket developments. With a strong passion for the game and a habit of following real-time match updates, player performances, and breaking cricket news, he shares timely and accurate cricket insights for fans. Urvil focuses on delivering quick, reliable, and easy-to-understand cricket updates so readers can stay informed about the latest happenings in the cricket world.
