મુંબઈ: ભારત ત્રીજી વખત T20 વર્લ્ડ કપ જીતીને ઈતિહાસ રચી ચૂક્યું છે અને હવે ફેન્સની નજર IPL 2026 પર છે. BCCI એ બુધવારે સાંજે IPL 2026 ના પ્રથમ તબક્કાના શેડ્યૂલની જાહેરાત કરતા જ મેદાન પરની દુશ્મનાવટ હવે સોશિયલ મીડિયા પર શરૂ થઈ ગઈ છે.
પાંચ વખતની ચેમ્પિયન મુંબઈ ઈન્ડિયન્સ (MI) એ અત્યારથી જ ડિફેન્ડિંગ ચેમ્પિયન રોયલ ચેલેન્જર્સ બેંગલુરુ (RCB) ને ઘેરવાનું શરૂ કરી દીધું છે. મુંબઈએ RCB ની એક જૂની પોસ્ટ પર કરેલા રિપ્લાયથી ઈન્ટરનેટ પર ખળભળાટ મચી ગયો છે.
MI એ લીધી RCB ની ચપટી: ‘છાવા’ સ્ટાઈલમાં આપી ચેતવણી
આ વિવાદની શરૂઆત ત્યારે થઈ જ્યારે મુંબઈ ઈન્ડિયન્સે RCB ની છ મહિના જૂની એક પોસ્ટ પર વળતો પ્રહાર કર્યો.
- 2025 ના એશિયા કપમાં પાકિસ્તાન સામે તિલક વર્માની 69* રનની શાનદાર ઈનિંગ જોઈને RCB એ તેના વખાણ કરતા લખ્યું હતું: “તુમ નમક નહીં ચંદન હો વર્મા! તુમ તિલક ભારત કે માથે કા” (તિલક, તું ભારતનું ગૌરવ છે).
- હવે મુંબઈ ઈન્ડિયન્સે આનો જડબાતોડ જવાબ આપતા લખ્યું: “હમારા તિલક હૈ તો ચંદન કા! 12 એપ્રિલ, વાનખેડે પે” (અમારો તિલક બહુ કિંમતી છે, 12 એપ્રિલે વાનખેડેમાં મળીએ).
રસપ્રદ વાત એ છે કે આ બંને કેપ્શન ઐતિહાસિક ફિલ્મ ‘છાવા’ ના ડાયલોગ્સ પરથી લેવામાં આવ્યા છે.
12 એપ્રિલે વાનખેડેમાં ‘મહા-મુકાબલો’
IPL 2026 ના પ્રથમ તબક્કાના શેડ્યૂલ મુજબ, મુંબઈ ઈન્ડિયન્સ 12 એપ્રિલ ના રોજ વાનખેડે સ્ટેડિયમમાં RCB ની યજમાની કરશે.
પ્રથમ તબક્કામાં બંને ટીમોનું શેડ્યૂલ:
- Mumbai Indians: 29 માર્ચે હોમ ગ્રાઉન્ડ પર KKR સામે ઓપનિંગ કરશે, ત્યારબાદ દિલ્હી અને રાજસ્થાન સામે ટકરાશે.
- RCB: 28 માર્ચે SRH સામે ટૂર્નામેન્ટની ઓપનિંગ મેચ રમશે. ત્યારબાદ 5 એપ્રિલે ચેન્નઈ (CSK) અને 10 એપ્રિલે રાજસ્થાન (RR) સામે ટકરાશે.
પાકિસ્તાન સામે તિલકનું ‘કોહલી’ જેવું પ્રદર્શન
RCB ની જે પોસ્ટ અત્યારે ચર્ચામાં છે, તે 2025 એશિયા કપ ફાઈનલની હતી. જ્યારે ભારતની 3 વિકેટ માત્ર 20 રનમાં પડી ગઈ હતી, ત્યારે તિલક વર્માએ 53 બોલમાં 69* રન બનાવીને પાકિસ્તાનના મોઢામાંથી જીત છીનવી લીધી હતી. આ ઈનિંગ બાદ તેની સરખામણી વિરાટ કોહલી સાથે થવા લાગી હતી.
તિલક વર્માએ આ જ ફોર્મ T20 વર્લ્ડ કપ 2026 માં પણ જાળવી રાખ્યું હતું, જ્યાં તેણે 154.48 ના સ્ટ્રાઈક રેટથી 207 રન બનાવ્યા અને ભારતને ટાઈટલ ડિફેન્ડ કરવામાં મોટી મદદ કરી.
Urvil Ramoliya is a dedicated cricket enthusiast who closely tracks international and domestic cricket developments. With a strong passion for the game and a habit of following real-time match updates, player performances, and breaking cricket news, he shares timely and accurate cricket insights for fans. Urvil focuses on delivering quick, reliable, and easy-to-understand cricket updates so readers can stay informed about the latest happenings in the cricket world.
