વરસાદને કારણે 11-11 ઓવરની રમાયેલી મેચમાંવૈભવ સૂર્યવંશીએ જસપ્રીત બુમરાહ જેવા દિગ્ગજ બોલરને નિશાન બનાવીને 14 બોલમાં 39 રન (1 ચોગ્ગો, 5 સિક્સર) ફટકાર્યા હતા. મેચ બાદ હાર્દિક પંડ્યાએ તેની પ્રશંસા તો કરી, પણ ઉંમર બાબતે તે ગોથું ખાઈ ગયો હતો.
હાર્દિક પંડ્યાએ શું કહ્યું?
મેચ પ્રેઝન્ટેશનમાં હાર્દિક પંડ્યાએ કહ્યું, “17 કે 16 વર્ષના છોકરાને આ રીતે રમતા જોવો ખૂબ જ અદભૂત છે. જે રીતે તે નીડર થઈને શોટ્સ રમે છે તે જોવું ગમ્યું. હું તેને ભવિષ્ય માટે શુભેચ્છા પાઠવું છું.” જોકે, હાર્દિકે તેને 17 વર્ષનો ગણાવ્યો, પણ સત્તાવાર આંકડા કંઈક અલગ જ કહે છે.
વૈભવ સૂર્યવંશીની સાચી ઉંમર શું છે?
વૈભવની ઉંમર હંમેશા ચર્ચાનો વિષય રહી છે, પરંતુ સત્તાવાર રેકોર્ડ મુજબ:
- જન્મ તારીખ: 27 માર્ચ, 2011 (BCCI અને IPLT20 વેબસાઇટ મુજબ).
- હાલની ઉંમર: તે માત્ર 15 વર્ષનો છે.
- રેકોર્ડ: ગયા વર્ષે તે 14 વર્ષની ઉંમરે આઈપીએલમાં ડેબ્યૂ કરનાર સૌથી યુવા ખેલાડી બન્યો હતો.
- તાજેતરની સિદ્ધિ: થોડા મહિના પહેલા જ તેણે ઝિમ્બાબ્વેમાં યોજાયેલા 2026 ICC અંડર-19 વર્લ્ડ કપમાં ભારતને જીત અપાવવામાં મહત્વની ભૂમિકા ભજવી હતી.
જોકે ઘણા લોકો તેની ઉંમર સામે સવાલ ઉઠાવે છે, પરંતુ તેના પિતાએ સ્પષ્ટ કર્યું છે કે વૈભવ 15 વર્ષનો જ છે અને તેણે BCCI ના તમામ મેડિકલ અને બોન ટેસ્ટ પાસ કર્યા છે.
મેચની હાઈલાઈટ્સ
રાજસ્થાન રોયલ્સે યશસ્વી જયસ્વાલના 77* અને વૈભવના 39 રનની મદદથી 11 ઓવરમાં 150 રન બનાવ્યા હતા. જવાબમાં મુંબઈ ઈન્ડિયન્સ 123 રન જ બનાવી શકી અને રાજસ્થાનનો 27 રને વિજય થયો. આ હાર સાથે મુંબઈની ટીમ પોઈન્ટ ટેબલમાં 7મા સ્થાને ધકેલાઈ ગઈ છે.
Urvil Ramoliya is a dedicated cricket enthusiast who closely tracks international and domestic cricket developments. With a strong passion for the game and a habit of following real-time match updates, player performances, and breaking cricket news, he shares timely and accurate cricket insights for fans. Urvil focuses on delivering quick, reliable, and easy-to-understand cricket updates so readers can stay informed about the latest happenings in the cricket world.
