અમદાવાદ: સૂર્યકુમાર યાદવની કેપ્ટનશિપમાં ટીમ ઇન્ડિયાએ અમદાવાદના નરેન્દ્ર મોદી સ્ટેડિયમમાં ન્યૂઝીલેન્ડને કચડીને T20 વર્લ્ડ કપ 2026 ની ટ્રોફી પોતાના નામે કરી લીધી છે. આ માત્ર એક જીત નથી, પરંતુ ક્રિકેટ જગતમાં રચાયેલો એક નવો ઈતિહાસ છે.
ભારત પોતાના જ ઘરઆંગણે ટ્રોફી જીતનારો અને સળંગ બીજી વાર (Back-to-back) T20 વર્લ્ડ કપ ટાઇટલ બચાવનારો દુનિયાનો પહેલો દેશ બની ગયો છે. જેવી જ ફાઈનલ મેચમાં ન્યૂઝીલેન્ડની છેલ્લી વિકેટ પડી, કે તરત જ આખો દેશ ખુશીથી ઝૂમી ઉઠ્યો. આ શાનદાર જીતની ઉજવણીમાં દેશના ટોચના રાજકીય નેતાઓ પણ પાછળ રહ્યા નથી. વડાપ્રધાન નરેન્દ્ર મોદી (Narendra Modi) અને વિપક્ષના નેતા રાહુલ ગાંધી (Rahul Gandhi) એ એકસાથે આવીને ટીમ ઇન્ડિયા પર શુભેચ્છાઓનો વરસાદ કર્યો છે.
પીએમ મોદીનો ગર્વથી ભરેલો સંદેશ: “દરેક ભારતીયનું હૃદય જીતી લીધું”
ભારતની શાનદાર જીત બાદ વડાપ્રધાન નરેન્દ્ર મોદીએ સોશિયલ મીડિયા પ્લેટફોર્મ ‘X’ (અગાઉનું ટ્વિટર) પર ટીમ ઇન્ડિયાને અભિનંદન પાઠવ્યા હતા.
પીએમ મોદીએ પોતાની પોસ્ટમાં લખ્યું: “ચેમ્પિયન્સ! ICC મેન્સ T20 વર્લ્ડ કપ જીતવા પર ભારતીય ટીમને ખૂબ ખૂબ અભિનંદન! આ ઐતિહાસિક અને શાનદાર જીત ખેલાડીઓના અસાધારણ કૌશલ્ય, દ્રઢ નિશ્ચય અને શાનદાર ટીમ વર્કને દર્શાવે છે.”
તેમણે આગળ ઉમેર્યું કે, “તેઓએ આખી ટૂર્નામેન્ટ દરમિયાન અદભુત હિંમત અને ‘ગ્રિટ’ (Grit) બતાવ્યા છે. આ જીતે દરેક ભારતીયના હૃદયને ગર્વ અને અપાર આનંદથી ભરી દીધું છે. વેલ ડન, ટીમ ઇન્ડિયા!”
રાહુલ ગાંધીએ ‘પ્લેયર ઓફ ધ ટુર્નામેન્ટ’ સંજુ સેમસનના કર્યા ખાસ વખાણ
વિરોધ પક્ષના નેતા રાહુલ ગાંધીએ પણ વર્લ્ડ કપ જીતવા પર ટીમ ઇન્ડિયાને હાર્દિક શુભેચ્છાઓ પાઠવી હતી. રસપ્રદ વાત એ છે કે, રાહુલ ગાંધીએ પોતાની પોસ્ટમાં ખાસ કરીને કેરળના સ્ટાર ખેલાડી અને વિકેટકીપર-બેટ્સમેન સંજુ સેમસન (Sanju Samson) નો અલગથી ઉલ્લેખ કરીને તેના ભરપૂર વખાણ કર્યા હતા.
રાહુલ ગાંધીએ ફાઈનલમાં 46 બોલમાં 89 રન ફટકારનાર અને ‘પ્લેયર ઓફ ધ ટુર્નામેન્ટ’ બનનાર સંજુ સેમસનની ઐતિહાસિક સફરને બિરદાવી હતી, જેણે વેસ્ટ ઈન્ડિઝ, સેમિફાઈનલ અને ફાઈનલ એમ સળંગ ત્રણ મેચોમાં શાનદાર અડધી સદી (ફિફ્ટી) ફટકારીને ભારતને ચેમ્પિયન બનાવવામાં સૌથી મોટો રોલ ભજવ્યો હતો.
દેશના અન્ય દિગ્ગજ નેતાઓએ પણ આપી શુભેચ્છા
પીએમ મોદી અને રાહુલ ગાંધી ઉપરાંત, દેશના અન્ય દિગ્ગજ રાજકારણીઓએ પણ રાજકીય ભેદભાવ ભૂલીને ટીમ ઇન્ડિયાને વધાવી લીધી છે:
- રાષ્ટ્રપતિ દ્રૌપદી મુર્મુ એ ખેલાડીઓની રમતગમતની ભાવના અને પરિશ્રમને બિરદાવ્યા હતા.
- કેન્દ્રીય ગૃહમંત્રી અમિત શાહ, ઉત્તર પ્રદેશના મુખ્યમંત્રી યોગી આદિત્યનાથ અને કોંગ્રેસના વરિષ્ઠ નેતા ડૉ. શશિ થરૂરે પણ સોશિયલ મીડિયા પર ભારતીય ક્રિકેટરોની ઐતિહાસિક જીતને સલામ કરી હતી.
Well done, Team India
You have brought home the World Cup again and with it the pride of 140 crore Indians.
Fearless cricket. Unbreakable spirit. Pure belief.
A victory that will inspire generations.
Jai Hind 🇮🇳 pic.twitter.com/z8xe71yoev— Arvind Kejriwal (@ArvindKejriwal) March 8, 2026
255 રનનો પહાડ અને બુમરાહનો જાદુ!
અમદાવાદમાં રમાયેલી ફાઈનલમાં ટોસ હારીને પ્રથમ બેટિંગ કરતા ભારતે 20 ઓવરમાં 5 વિકેટે 255 રનનો વિશાળ પહાડ ઉભો કર્યો હતો. સંજુ સેમસન (89 રન), ઈશાન કિશન (54 રન) અને અભિષેક શર્મા (52 રન) એ કિવી બોલરોના ધજાગરા ઉડાવી દીધા હતા.
જવાબમાં ટાર્ગેટ ચેઝ કરવા ઉતરેલી ન્યૂઝીલેન્ડની આખી ટીમ માત્ર 159 રનમાં સમેટાઈ ગઈ હતી. જસપ્રીત બુમરાહે 4 ઓવરમાં માત્ર 15 રન આપીને 4 વિકેટ ઝડપીને વિરોધી ટીમની કમર તોડી નાખી હતી.
તમારું શું માનવું છે? આખા વર્લ્ડ કપમાં ટીમ ઇન્ડિયાની ઐતિહાસિક સફરમાં તમને કયા ખેલાડીનું પ્રદર્શન સૌથી બેસ્ટ લાગ્યું? નીચે કોમેન્ટ બોક્સમાં તમારો જવાબ આપીને ‘જય હિન્દ’ જરૂર લખો!
Urvil Ramoliya is a dedicated cricket enthusiast who closely tracks international and domestic cricket developments. With a strong passion for the game and a habit of following real-time match updates, player performances, and breaking cricket news, he shares timely and accurate cricket insights for fans. Urvil focuses on delivering quick, reliable, and easy-to-understand cricket updates so readers can stay informed about the latest happenings in the cricket world.
